O Club de lectura segue a realizar tódolos mércores actividades vencelladas á maxia que anida nas palabras e nas historias! Pero nas últimas ocasións, a través da imaxe!
Na sociedade actual, cada vez é mais importante saber interpretar e analizar o discurso audiovisual. De ahí que estas últimas semanas os nosos esforzos xiraran ao redor das historias contadas dende o cine
O mércores pasado, dentro da temática de medo e intriga que este mes se traballa dende a biblioteca, o alumnado de primaria disfrutou da proxección da curtamentraxe A bruxa regañadentes.
Pode que pasaran un pouco de medo... pero tamén botaron unha que outra gargallada con esta historia que tanto lles gusta, e que a gran maioría xa coñecía a través do libro de OCO.
E onte o alumnado da ESO, grazas á colaboración co EDLG, disfrutou da proxección da curtametraxe "Conversa cunha muller morta",
e ademais tiveron o privilexio de falar cara a cara coa súa directora, Sonia Méndez, quen tras un debate sobre a proxección, compartiu con elas e eles a problemática actual da invisivilidade da muller no sector do audiovisual.
Un luxo ao alcance de poucos!
Abordar a violencia de xénero, e o papel cambiante da muller na sociedade actual, da man dunha directora de cine, actriz e emprendedora de referencia no audiovisual galego.
Grazas Sonia!
No hay comentarios:
Publicar un comentario