jueves, 12 de diciembre de 2013

O Apalpador


O Apalpador veunos de perilla para o tema que traballamos este ano: "Criaturas fantásticas". Sobre a súa figura,  o Equipo de Biblioteca, coa axuda do alumnado colaborador de biblioteca, elaborou unha nova historia para o kamishibai. Aquí vola deixamos en PDF.

No nadal...lectura!


Panos brancos
                                        esfiañados 
                                                                         da nebra

ouveando polos vales                                  
                                   polos soutos                         
                                                            i as devesas marelas
en busca dun caborco
                                     ou dunha valiña outa
                                                                       que os acolla
i os faga acougar!


Fiañas da nebra
                                rubindo
                                                 e baixando
                                                                     á gaiola do aire
polas serras érmedas
                                 e polos soutos despidos
                                                                           do Nadal!
                                                                             
                                                         (Novoneyra. Os Eidos)

Pois...iso. A natureza lémbranos que o nadal está ás portas e Barallando saberes tamén é fiel coa súa cita ineludible coa lectura. Aquí tedes a guía de lectura deste nadal 2013 para que o celebredes lendo historias fantásticas e, así,  aumentar a vosa intelixencia. Non o digo eu, dío Einstein. 
Bo nadal!
                   


martes, 10 de diciembre de 2013

Grazas, Madiba

Nelson Mandela, finado recentemente, foi un defensor da igualdade entre as persoas como indican os dous primeiros capítulos da Declaración Universal de Dereitos Humanos:

Artículo 1

Todos os seres humanos nacen libres e iguais en dignidade e dereitos.

Artículo 2

Toda persoa ten todos os dereitos e liberdades proclamados nesta Declaración, sen distinción algunha de raza, cor, sexo, idioma, relixión, opinión política ou de cualquera outra índole, orixe nacional ou social, posición económica, nacemento ou calquera outra condición.

A súa loita contra o apartheit  foi recoñecida co Premio Nobel da Paz en 1993 e 1995.

O poema,  "Invictus",  do poeta William Ernest Henley, axudoulle a Mandela a soportar a cadea perpetua á que foi condenado:

En la noche que me envuelve,
negra como un abismo insondable,
agradezco al dios que fuere
por mi alma inconquistable.

En las garras de las circunstancias,
no he gemido ni llorado.
Ante las puñaladas del azar
si bien he sangrado, jamás me he postrado.

Más allá de este lugar de ira y llantos
acecha la oscuridad con su horror.
No obstante la amenaza de los años
me halla y me hallará sin temor.

Ya no importa cuan recto haya sido el camino,
ni cuantos castigos lleve a la espalda.
Soy el amo de mi destino,
soy el capitán de mi alma.

Doy gracias al dios que fuere
por mi alma inconquistable.
Soy el amo de mi destino,
soy el capitán de mi alma.





lunes, 9 de diciembre de 2013

¿Por que ler?

Esta vez a recomendación non vén dun docente, senón dun escolar: Sebastián, un alumno do IES "Nosa Señora dos Ollos Grandes" de Lugo. A ver se vos gusta.

jueves, 28 de noviembre de 2013

Trucos para mellorar as búsquedas en Google


Google é, sen dúbida algunha o xigante dos buscadores que non deixa de engadir novas funcións e melloras ao servizo. Aquí tedes algúns trucos para mellorar a eficacia do buscador.

domingo, 24 de noviembre de 2013

A historia dos bonobos con lentes

Hai máis de trinta anos Adela Turín comezou a publicar en Italia unha coleción " Á favor das nenas", converténdose nunha coleción de referencia para a coeducación e a igualdade. Despois de tanto tempo estes libros siguen sendo necesarios.

Este libro faise imprescindible, porque coeducando se cadra non teremos que lembrar máis a data do 25 de novembro.

Por 4 esquinitas de nada

Aquí tedes un fabuloso recurso para traballar a DIVERSIDADE. Somos diferentes, somos iguais.

jueves, 21 de noviembre de 2013

Novo recurso sobre a auga

Aquí tedes un interesante recurso para traballar ou informarvos sobre a auga: El sitio del agua.

martes, 19 de noviembre de 2013

Burla ao voluntariado


Fai once anos tivo lugar na Costa da Morte a maior catástrofe ecolóxica de todos os tempos. O naufraxio do petroleiro "PRESTIGE", despois de que os políticos de turno evidenciasen a súa incompetencia. Un atentado contra o medio de vida de tantos galegos e galegas. As nosas praias tinguíronse de negro, o negro do chapapote. Toda Galiza estaba de loito. A cidadanía respondeu de todos os xeitos posibles: manifestacións, cadeas humanas, voluntarios e voluntarias para deixar a nosa costa relucente. Ninguén puido calar os berros, ninguén foi quen de quitar as pancartas dos centros educativos a pesar da súa prohibición, ninguén puido evitar a enorme cadea humana que quixo ser testemuña do desastre e que esixía xustiza. Alí tamén estivemos nós.
A xustiza pronunciouse hai poucos días. Quen viviu e loitou contra aquela catástrofe non sae do asombro ante o veredicto. Semella unha burla para o voluntariado, a xente que dun xeito altruista move o mundo. Véñenme á mente as palabras que Curros lle fixo dicir ao mesmo Deus: "Se iste é o mundo que eu fixen, que o demo me leve".
 Dende a nosa biblioteca temos a obriga de facer xustiza. Poñemos de actualidade algúns títulos para que coñezades a verdade:
A praia da esperanza.
H2oil
Marea negra.
No país de nunca máis.
¡Nunca máis! A ollada da infancia.
Nunca máis. A voz da cidadanía.
Parando a marea negra.
Prestige. Tal como foi, tal como fomos.

martes, 29 de octubre de 2013

Rutas de lectura

Rutas de lectura é un recurso moi útil para traballar a comunicación nas aulas.

viernes, 25 de octubre de 2013

Mascota da biblioteca

Aproveitando o tema de "Criaturas fantásticas", a biblioteca convocou un concurso de debuxo para crear a mascota que a representará e que nos servirá de logotipo para os diferentes comunicados e actividades. Na seguinte ligazón podedes acceder ás bases do concurso.

jueves, 24 de octubre de 2013

Club de lectura 2013-2014

Un ano máis comezamos as actividades do club de lectura. Este curso farémolo con todo o alumnado de segundo de ESO. A principal novidade é que utilizaremos o soporte dixital para as nosas lecturas. Todos os e-readers da biblioteca están distribuidos entre os membros do club. Outros alumnos/as utilizan os propios dispositivos. O mediador do club de lectura compra os libros dixitais e pásallelos aos lectores e lectoras por correo electrónico para que o suban aos dispositivos de lectura.Por certo, a comezo de curso adquirimos dous novos dispositivos idénticos ao da imaxe. Agardamos un uso responsable destes aparellos.

24 de outubro: día das bibliotecas

Cada ano a Asesoría de Bibliotecas Escolares agasállanos cun cartaz onde se recollen as distintas posibilidades da biblioteca escolar como apoio ao desenvolvemento do currículo. Este ano o lema elexido é "ler ciencia na biblioteca escolar". Nas distintas "Horas de ler" temos libros con esta temática e tamén na biblioteca. Benvido sexa o cartaz. Xa está colocado na nosa biblioteca.

Criaturas fantásticas

"Cachito", o conserxe do colexio,  tivo unha idea estupenda: colocou un acuario nas proximidades da biblioteca. A zona sempre está ateigada de escolares ollando estas fantásticas criaturas. Non deixa de ser un reclamo para a nosa biblioteca e para o proxecto documental. Grazas, "Cachito"!!!

Outono fantástico

O outono, co Magosto e o Samaín, é unha estación fantástica. As pantasmas, homes lobo, bruxas, esqueletes e outras criaturas danse cita nesta época para pasar anacos refuxiados nas súas historias. A imaxe recolle o comezo do mural colaborativo sobre o outono fantástico.


Exposición "Criaturas fantásticas"


Para traballar no PDI, o equipo de biblioteca andivemos a buscar nos andeis libros relacionados co tema de "Criaturas fantásticas". Por certo que hai ben deles. Con eles fixemos dúas exposicións: unha para EI e EP e outra para a ESO. Tamén elaboramos unha bibliografía sobre literatura fantática, á que podedes acceder clicando na ligazón.

martes, 1 de octubre de 2013

Guías de uso dos e-readers

A biblioteca conta con 11 e-readers de recente adquisición. Aquí tedes unha guía de utilización para cada un dos modelos dos que dispomos: BQ(3) e SONY(8).Convén botarlles un ollo antes de utilizar os aparellos.



miércoles, 18 de septiembre de 2013

Criaturas fantásticas



O PDI deste curso leva por título "Criaturas fantásticas", tendo en conta os resultados da enquisa que se pasou ao alumnado e profesorado do centro hai dous anos. Adentrarémonos, xa que logo, por este marabilloso mundo de dragóns, centauros, unicornios, elfos, ananos, meigas, demos, deuses, homes e mulleres lobo...e tantos outras xentes que non son xente para alimentar coas súas lecturas o noso espíritu. Boa viaxe e que os deuses vos sexan propicios!

jueves, 27 de junio de 2013

Antía Tacón García: toca teito na selectividade

A exalumna Antía Tacón García está,  cun 9,8,  entre as tres mellores notas da selectividade de toda Galicia. "Barallando saberes" quere felicitala e transmitirlle a ledicia de toda a comunidade educativa polo seu merecido éxito, baseado no traballo e na lectura.  Así mesmo,  agradecerlle a defensa que fai do ensino público:  "se a educación non é pública,  que o vai ser?", criterio que deberían seguir os políticos que nos gobernan.

O poder das palabras

O 31 de maio de 2013 celebráronse en Santiago as VI Xornadas dos clubs de lectura. Nesas xornadas participou o noso club de lectura, "Barallando libros", cunha comunicación titulada "O poder das palabras". A comunicación centrouse en como un club de lectura axuda á adquisición das competencias básicas. O marco da nosa intervención foi nunha Mesa de experiencias das catro provincias.
Aquí tedes o vídeo desa Mesa facilitado pola Asesoría de Bibliotecas Escolares.

miércoles, 19 de junio de 2013

Roteiro literario "Pola Mariña"

Como xa vén sendo habitual ao remate de cada curso, subimos ao blog o roteiro literario do club de lectura. Este ano foi pola Mariña. Comezamos en Mondoñedo, terra de poetas e de lendas ben fermosas. Logo fomos ao Valadouro onde visitamos a finca "A Galea" con moitos artiluxios movidos pola forza da auga. Ao día seguinte comezamos en San Miguel de Reinante visitando a casa que aparece en "de Profundis", a praia de As  Catedrais, Ribadeo, Castropol  (bar O Risón, relacionado cun libro de Gonzalo Moure) e Taramundi. Foron dúas xornadas ben fructíferas.

Folerpas 2012-13

Xa estamos a piques de rematar as clases, non sen antes ofrecervos a revista deste curso 2012-13 na que atoparedes a participación de todo o colexio. Estivo coordinada pola profesora Rufina Quiroga de Arriba,  pertencente ao equipo de biblioteca. Que disfrutedes coa súa lectura!!

lunes, 10 de junio de 2013

Tastarabás

Aquí vos presento un libro ben fermoso que podedes disfrutar na nosa biblioteca. Trátase de Tastarabás, a enciclopedia de brinquedos tradicionais e uso lúdico da natureza,  de Antón Cortizas. Di o propio autor "A natureza é como un gran comercio ou xoguetería".  Con esta gran obra os máis novos poden aprender a facer eles mesmos os seus xoguetes. Os menos novos lembrar anacos felices da nosa infancia donde, cunha simple navalla, dabamos vida aos máis engaiolantes enredos.

lunes, 6 de mayo de 2013

Cine e Literatura


Algúns membros do Equipo de biblioteca estivemos elaborando estas páxinas sobre cine e literatura. Na primeira tedes unha selección de filmes sobre obras literarias para adultos e alumnado da ESO. Debaixo destas liñas tedes a ligazón á páxina para E. Infantil e E. primaria. Agardamos que vos sexan útiles as nosas recomendacións. Clicando nas imaxes ou nas ligazón, poderedes acceder ás paxinas.


martes, 23 de abril de 2013

A "peli" da túa vida



A "peli" da túa vida é un traballo colaborativo aberto a toda a comunidade educativa. Vén sendo unha recomendación daqueles filmes que deixaron unha impronta na nosa vida. Con esta actividade celebramos o "Día do libro".

viernes, 12 de abril de 2013

Aquí tedes un recurso útil, tanto para o alumnado como para o profesorado. Trátase dun banco de textos bastante completo froito dun traballo colaborativo de profesores de Cidade Real.

lunes, 8 de abril de 2013

Orfos de ti, José Luis

Esta semana comezamos tristes pola noticia do pasamento de José Luis Sampedro. As bibliotecas escolares sentímonos orfos del, da súa claridade de ideas e de saber expresalas como ninguén.
Sempre defendeu a lectura como xeito de saír da burricie xeral que parece imperar neste noso mundo cada vez máis convulso contra o que se indignou. Indignouse contra os inventores de dogmas represores para oprimir a Vida e sepultala.
Xa non teremos a José Luis pero quédannos as súas palabras como bálsamo para as nosas feridas e para lembrarnos que outro mundo é posible.

lunes, 18 de marzo de 2013

O galo e o raposo


Aquí tedes "O galo e o raposo",  o segundo conto para o kamishibai elaborado polo equipo de biblioteca. Os protagonistas volven ser dous animais: o galo e o raposo, como en moitos outros contos de tradición oral. A ver se vos gusta. Se clicades na imaxe, teredes acceso ao documento en PDF.  Para o kamishibai habería que imprimilo a doble cara en A3.

domingo, 24 de febrero de 2013

E-readers na biblioteca



O día 20 de febreiro fomos buscar a Santiago catro novos e-readers despois de participar na convocatoria do proxecto E-LBE, proxecto piloto para a incorporación de lectores electrónicos nas bibliotecas escolares. En principio só fomos seleccionados 25 centros dentro do PLAMBE das 327 solicitudes que se presentaron.
Estes catro e-readers da marca SONY, xunto cos cinco que xa temos adquirido, fan un total de nove. Teremos que ver que uso se lles vai dar para o que agardamos as vosas suxerencias.
Cómpre diferenciar entre e-reader e e-book. O e-book é cada un dos arquivos que podemos meter no e-reader, para entendernos, o libro electrónico propiamente dito. O e-reader é o dispositivo de lectura de libros electrónicos, ou sexa, que se pode convertir nunha pequena biblioteca.

miércoles, 30 de enero de 2013

Unha escritora de L.I.X. na Academia

A RAG (Real Academia Galega) acaba de elixir a Fina Casalderrey como académica numeraria
Con Fina entra na Academia unha muller (por méritos propios) pero tamén a literatura infantil e xuvenil. Diso vai tratar o seu discurso de entrada,  escoitaremos esas palabras que tratan desta literatura non sempre asumida como LITERATURA (con maiúsculas).
Realmente estamos de noraboa, pois sentímonos moi ben representadas por esta muller que entre outros conta con Premio Nacional de Literatura Infantil e Xuvenil. Unha muller que ademais é mestra (¿acaso se deixa de ser por non ir xa á escola?) e, polo tanto, mediadora do libro. Unha académica de luxo!
(Informacion tirada de Rede Lectura da Asesoría de Bibliotecas Escolares) 
É a nosa particular homenaxe a esta autora que tan bos momentos nos fai pasar cos seus libros. Aquí podedes consultar os  que temos dela na nosa biblioteca,  por se queredes ler algún.

martes, 29 de enero de 2013

Club de lectura 2012-13

Este curso seguiremos co club de lectura. Todo o alumado de 3º de ESO está inscrito nel. Tentaremos traballar  a temática do PDI "Cine e Literatura".   Deste xeito, simultanearemos a lectura de libros co visionado dos filmes feitos sobre eles.



Comezamos vendo a película "Diarios de la calle", que reflicte o ambiente marxinal e o fracaso escolar e social do alumnado que o sofre. A profesora recoméndalles ler o "Diario de Ana Frank" para facerlles ver que aínda se pode estar peor. Ese será tamén o segundo libro que leremos e a posibilidade do visionado do filme.

O terceiro libro e película, "Luna de lobos" segue polos mesmos derroteiros, aínda que neste caso a marxinación non é de tipo racial senón ideolóxica.Clicando nas imaxes ou ligazóns podedes acceder aos traballos que preparamos sobre os libros e filmes. A continuación tedes un deles.






jueves, 17 de enero de 2013

Calendario "Cine e Literatura"


Dentro do proxecto documental integrado deste ano, elaboramos este almanaque que nos lembrará cunha película ou co libro correspondente a celebración máis importante de cada mes.Clicando na imaxe ou na ligazón poderedes acceder ao documento en PDF. Que teñades, xa que logo,  un bo ano de cine e literatura.