domingo, 16 de diciembre de 2012

Kamishibai "O lobo e a ovella"


Kamishibai soa un pouco raro. É o termo xaponés para referirse a un tipo de teatriño con debuxos. Bibliotecas Escolares ofreceunos a posibilidade de contar con un,  sempre e cando lle desemos uso. Pois aquí estamos co primeiro traballo elaborado para este soporte: "O lobo e a ovella". Penso que encaixa perfectamente co tema do proxecto documental deste ano. Non é cine, pero case.
Lembro que de neno me contaban este conto e a min entusiamábame. Pidíalles que mo contasen unha e outra vez. Nunca o vin publicado en ningunha editorial, e paréceme estraño porque seica os contos son universais.Os debuxos son de Ana Pardo coa que colaboramos máis persoas da comunidade escolar. O texto poderíase considerar como popular.  
Se clicades na imaxe ou na ligazón, teredes acceso ao documento en PDF.  Que gocedes del coma min.
Delio.

Guía de lectura 2012


Aquí chega a nosa cita anual coa guía de lectura para o nadal. Pretendemos con ela orientar ao noso alumnado e aos seus pais e nais á hora de escoller un libro como agasallo. Na guía deste ano tamén hai películas porque está relacionada co tema que traballamos este curso: "Cine e Literatura".Se clicades na imaxe ou na ligazón, poderedes acceder á guía en formato PDF.  Bo nadal e fructíferas lecturas.

Cine e Literatura




O tema do Proxecto Documental deste curso é "Cine e Literaura" e fixándonos especialmente nos comics no tocante á Literatura. O mural motivador é un traballo colaborativo de todo o colexio e ten o formato de cómic.


Con este tema aproveitamos para aumentar os fondos da nosa biblioteca en canto a películas e curtas sobre obras literarias. Iremos subindo todos os traballos que se xeneren durante o curso. 
O equipo de biblioteca considera oportuno que teñades ao voso dispor as ligazóns a documentos importantes sobre o tema. Iremos actualizando as ligazóns segundo vaiamos atopando cousas interesantes. Contamos coas vosas suxerencias.
Ligazóns de interese:

As mellores películas sobre educación.

Blogues de centros de ensino  sobre cine:

Bibliotecacotarelocine

martes, 26 de junio de 2012

Roteiro Fiz Vergara Vilariño

O día 20 de xuño fixemos a viaxe programada do noso club de lectura. Agardamos ata esa data para facer a excursión relaxados/as, co curso xa rematado. A experiencia deixou en todos nós un bo sabor de boca, non só polo xantar, que tamén, senón polas imaxes que gardaremos para sempre nas nosas retinas.
Fiz Vergara Vilariño é o poeta da Lóuzara Xiabreira, como el lle chama á súa terra. A vida foi unha cabrona con el negándolle o máis incuestionable do ser humano: o amor. Fiz cántalle a este amor soñado e nunca tido no marco incomparable da natureza louzariña con palabras puras e sinceras.
Con este roteiro queremos render homenaxe a unha persoa que sufriu os sensabores da vida e que só atopou na poesía consolo para os seus males. Di D. Xesús Alonso Montero que fixo literatura como defensa contra as ofensas da vida.
Aquí tedes unha reportaxe gráfica deste roteiro:

jueves, 7 de junio de 2012

 
"Folerpas" é o título da revista que facemos no colexio desde o equipo de biblioteca. Un dos seus membros encárgase da súa  coordinación e maquetación. Xa imos polo número 33. Aquí tedes "Folerpas"... aínda que sexa no mes de xuño.

miércoles, 9 de mayo de 2012

Día de Europa

O día 9 de maio celébrase o día de Europa. Barallando Saberes proponvos a composición dun puzle sobre o vello continente.Se o facedes correctamente e tedes o son activado, agárdavos unha sorpresa. Xogamos? Facede clic na imaxe e accederedes ao puzle.


lunes, 23 de abril de 2012

Día do libro

Este ano,  para celebrar o día do libro, fixemos un traballo colectivo entre toda a Comunidade Escolar. Está incardinado no Proxecto Documental Integrado "CULTURAS DO MUNDO" Trátase dunha exposición sobre a escola dos nosos devanceiros.
Consta de tres partes fundamentais:
1. Os libros da memoria.
2. Exposición "Libros da memoria".
3. A escola da memoria.
Como o traballo é de toda a Comunidade Escolar, subímolo ao blogue da biblioteca para que se poida disfrutar desde aí.
Grazas a todos e todas pola vosa colaboración. 

1. Libros da memoria. Algunhas das persoas participantes deixaron constancia dos seus comezos no mundo da lectura.





2. Exposición "Libros da memoria". Diversos materiais como libros, cadernos e útiles escolares.




3. Escolas da memoria. Imaxes da escola doutra época. Predominan as fotos de grupos de escolares.


Aquí podedes ver unha presentación con imaxes das distintas partes:

martes, 17 de abril de 2012

Letras galegas 2012



Este ano adícaselle o Día das Letras Galegas a Valentín Paz Andrade.
Desde a biblioteca elaboramos unha páxina de ligazóns a actividades sobre a figura deste insigne persoeiro.
En primeiro lugar, a páxina do Seminario Galán que ano tras ano constitúe unha referencia obrigada nesta celebración. Dela tomamos a biografía e o xogo 2 e xogo3.
A biblioteca amiga do  CEIP Condesa de Fenosa de O Barco de Valdeorras, da man do seu coordinador Xoaquín Freixeiro, comparte connosco un LIM sobre Valentín Paz Andrade. (Xogo1)
 O CPI dos Dices en Rois realiza un vídeo a modo de telexornal, onde se repasa a vida e a obra do autor homenaxeado.
A obra está tomada da páxina oficial de Paz Andrade.

domingo, 15 de abril de 2012

La puerta trasera del paraíso

O segundo libro foi "La puerta trasera del paraíso". Con el, mergullámonos na problemática do pobo saharaui. Para ter unha lembranza del, fixemos esta presentación.

viernes, 13 de abril de 2012

Páxinas Literarias

Os dous primeiros libros que lemos no club de lectura están incardinados no proxecto documental integrado que estamos a desenvolver no centro neste curso: Culturas do mundo. Xa falamos do libro "Donde aprenden a volar las gaviotas",ambientado en Noruega. Sobre el o alumnado do club elaborou esta presentación:

martes, 6 de marzo de 2012

Banco de lecturas


A lectura é unha actividade prioritaria no proxecto de biblioteca do noso centro.  Por iso o equipo de biblioteca acordamos crear e poñer a disposición de toda a comunidade educativa "Banco de lecturas", que é un compendio de páxinas web nas que se poden atopar textos para ler e traballar con eles nos distintos niveis educativos.
Esperemos que a iniciativa redunde en beneficio do nivel lector do noso alumnado.

lunes, 13 de febrero de 2012

Donde aprenden a volar las gaviotas

O primeiro libro que lemos este ano no club de lectura foi unha historia ben fermosa que nos achegou a temas tan importantes como o sensentido das guerras, mergullounos na cultura nórdica (este ano traballamos as culturas do mundo) a través dunha viaxe por Noruega e fíxonos vibrar con dúas historias de amor que endexamais esqueceremos. Este libro ímolo tomar como referente para as distintas conmemoracións do centro. Na presentación que vén de seguido podédelo comprobar.


 

jueves, 9 de febrero de 2012

Traballos Culturas do mundo


No marco do PDI "Culturas do mundo", estanse a xerar desde o equipo de biblioteca diversos traballos que relacionamos nesta entrada e que iremos actualizando segundo xurdan outros novos.







Como ven sendo habitual con cada tema dos PDI, o primeiro que fixemos foi unha exposición de materiais para traballar o proxecto. Aproveitamos o tema para adquirir unha bibliografía temática que contribúe a  enriquecer a nosa biblioteca. Con algúns deses libros elaboramos unha guía de lectura que podedes abrir facendo clic na imaxe.





Elaboramos un calendario con imaxes relacionadas con distintas culturas. Así, de paso que marca o noso tempo, temos sempre presente determinados aspectos da cultura universal.
Podédelo ver e descargar clicando na imaxe.







Con este traballo feito en ARDORA queremos facer un percorrido por diferentes aspectos da cultura dos pobos.

Pretendemos que os PDI teñan carácter interdisciplinar, é dicir, que se contemplen desde as distintas materias curriculares. Deste xeito, podemos falar de auténticos proxectos integrados. Desde o departamento de Lingua Castelá e Literatura analizaremos, nun afondamento na nosa cultura,  como foi a escola dos nosos devanceiros, para que, coñecendo aquela, as súas carencias,  poidamos valorar, apreciar e coidar mellor o que temos actualmente.
Neste traballo plásmase a información que recolleu o noso alumnado dos seus maiores. A actividade completarase cunha exposición de materiais relacionados co sistema escolar dos nosos avós, tratando de reproducir unha escola da época.
Podedes acceder ao PDF (formato libro) clicando na imaxe.


No departamento de matemáticas investigaron o sistema de medidas empregado polos nosos maiores e apórtannos este traballo sobre o sistema monetario español.

Aquí tedes dúas presentacións feitas polo alumnado da materia de reforzo educativo  na aula de apoio. Unha sobre Romanía, como homenaxe aos escolares dese país que están no noso colexio, e outra sobre o deporte nacional dos distintos países.







Manuel 1º e.s.o
View more PowerPoint from bibliobaralla

No PIN (proxecto interdisciplinar) de 1º de ESO tamén se traballou o tema do PDI centrado nas Comunidades de España. A continuación, algúns dos traballos realizados.
 
Pin

lunes, 30 de enero de 2012

Traballos para conmemorar o día da paz.



Aquí publicamos dous traballos colectivos para conmemorar o día da paz. O primeiro é un mosaico de traballos de E. Infantil e E. Primaria. A segunda imaxe  recolle as aportacións do alumnado da ESO.

Día da paz


Disque...
Había unha vez un rei que ofreceu un gran premio a aquel artista que puidese captar nunha pintura a paz perfecta. Intentárono moitos artistas.
O rei observou e admirou todas as pinturas, pero só atopou dúas que realmente lle gustaron e entre elas tivo que escoller.
A primeira era un lago moi tranquilo. Este lago era un espello perfecto no que se reflectían as plácidas montañas que o rodeaban. Sobre as montañas, un ceo azul cunhas tenues nubes brancas. Quen viu esta pintura pensou que reflectía a paz.
A segunda pintura tamén tiña montañas, pero eran escabrosas e descubertas. Sobre elas había un ceo furioso do que caía unha tremenda tormenta con lóstregos e trono. Pola montaña abaixo retumbaba un escumoso torrente de auga. Todo isto non semellaba nada pacífico.
Pero cando o rei observou minuciosamente, viu trala cascada un delicado arbusto arraigado nunha regandixa da rocha. Nel había un niño. Alí, no medio da ruxidoira da violenta fervenza, estaba sentado tranquilamente un paxariño no medio do seu niño...a paz perfecta.
Cal cres que foi a pintura gañadora?
O rei escolleu a segunda, sabes por que?
Porque, explicaba o rei: paz non significa estar nun lugar sen ruídos, sen problemas, sen traballo duro ou sen dor. Paz significa que, a pesar de estar no medio de todas esas cousas, teñamos calma no noso corazón.
Este é o verdadeiro significado da paz.
Autor descoñecido

jueves, 12 de enero de 2012

Culturas do mundo

"Culturas do mundo" é o título do proxecto documental que estamos a desenvolver este curso desde a nosa biblioteca. Sería imposible abranguer o tema en toda a súa extensión. So pretendemos que sexa o eixo vertebrador arredor do que xire a nosa actividade educativa e, de paso, mirar o mundo aínda que sexa por unha pequena regandixa.
A ilustración é unha miniatura do mural motivador do proxecto documental. A continuación tedes unha presentación coas imaxes que o compoñen.



lunes, 9 de enero de 2012

Donde aprenden a volar las gaviotas




Hoxe propoñémosvos un libro que lemos no primeiro trimestre do club de lectura: "Donde aprenden a volar las gaviotas". Parécenos un libro moi interesante en canto aos temas que trata, sobre cuxa reflexión tenta transmitir uns valores: dereitos humanos, a paz, o amor, a amistade, respecto e coidado do medio ambiente, o alzheimer...Nós ímolo aproveitar como referencia para todas as conmemoracións.