domingo, 18 de diciembre de 2011

Guía de lectura 2011



Como cada ano, aquí tedes a guía de lectura que a biblioteca edita polo nadal. Esperamos que as propostas de lectura sexan do voso agrado. Se clicades na imaxe, teredes acceso á guía en PDF.

sábado, 10 de diciembre de 2011

Dereitos Humanos

Parece un contrasentido falar de Dereitos Humanos cando, despois de 63 anos da súa proclamación, segue a haber tantas desigualdades, sendo a igualdade un dereito; séguese matando institucionalmente, cando se recoñece a vida como dereito; a integridade persoal é un dereito a menudo violado pola tortura e outros tratos crueles, inhumanos e degradantes; podemos falar de libertade cando vemos ao noso arredor tantas formas de esclavitude, servidume, traballo forzado e prácticas análogas?...Hai lugar para a esperanza? Desde a biblioteca escolar pensamos que si... senón estariamos perdidos.
E xa que falamos de biblioteca, hai moitas nenas e nenos no mundo que non teñen acceso a elas nin aos libros porque os gobernos dos seus países llelo impiden; queren e non poden. No noso colexio temos unha estupenda biblioteca con miles de libros, sen embargo parte do noso alumnado non fai uso dela; poden e non queren.
Para que a infancia saharahui teña acceso aos libros, púxose en marcha unha iniciativa, "Bubisher" que leva libros ás poboacións do Sáhara nun bibliobús, de aí o nome. Máis de cen bibliotecas escolares de toda Galicia participamos na achega a este proxecto cun lote de álbumes seleccionados pola organización. O álbum que escolleu a nosa biblioteca é "El grillo silencioso". 
Pensamos que a solidaridade é o camiño que nos abra as portas da esperanza.

10 de decembro: Día dos Dereitos Humanos


63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!


Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.


Texto de Maribel Serantes (CEIP Os Casais)

viernes, 25 de noviembre de 2011

Contra a violencia de xénero

Co desexo de non ter que celebrar máis esta data, esta é a nosa colaboración para erradicar todos os actos mediante os que se discrimina, ignora, somete e subordina as  mulleres nos diferentes aspectos da súa existencia.

jueves, 24 de noviembre de 2011

Testeando


Aquí tedes outra ferramenta educativa,  lúdica e gratuita pensada para profesores e estudiantes. Consiste nun xogo de preguntas e respostas tipo test ou trivial agrupadas por materias e niveis.

miércoles, 16 de noviembre de 2011

Bbliotecas escolares galegas

Biibliotecas Escolares en Tránsito [GAL] from Bibliotecas Escolares de Galicia on Vimeo.

Este vídeo foi gravado nas bibliotecas escolares galegas ao final do curso pasado. Presentouse no Congreso Nacional "Bibliotecas Escolares en Tránsito" celebrado en Santiago os días 10, 11 e 12 de novembro. Nel, aínda que fugazmente, hai unha testemuña da nosa biblioteca. Sirve para darnos unha idea do que tamén se está a facer por aí adiante.

domingo, 13 de noviembre de 2011

De volta do Congreso Nacional

De volta do Congreso Nacional de Bibliotecas Escolares, dicirvos que foi unha experiencia altamente gratificante tanto pola orgaización como polo que alí se falou.
A grandes rasgos, este é o resumo  deste fructífero congreso:
  • "A biblioteca escolar é máis unha actividade que un espazo" Daniel Casany.
  • É necesario crear nos centros a necesidade de utilizar a biblioteca dándolle valor e relevancia.
  • É imprescindible que a innovación pedagóxica e a tecnolóxica camiñen da man. Para isto, a biblioteca escolar é un espazo privilexiado.
  • "A biblioteca escolar debe contemplar espazos para o silencio e a reflexión" Michèlle Petit.
  •  A biblioteca escolar debe axudar a aprender o uso das NNTT de forma crítica.
  • Papel do mediador (bibliotecario) como cartógrafo da información, que selecciona e descarta, que axuda a valorar e comprender.
  • Papel do profesorado relacionado coa biblioteca como mediador e do alumnado como creador.
  • importancia da lectura compartida. É necesario formar para a lectura social.
  • Biblioteca como mediadora do extracurricular  e o currículo. Hai un maior acceso á información pero non ó coñecemento.
  • A biblioteca posibilita o carácter interdisciplinar e os procesos de investigación.
  • As institucións educativas non poden mirar para outro lado ante a responsabilidade que teñen contraídas nas leis educativas en materia de bibliotecas escolares. É necesario consolidar planes e programas de biblioteca de forma estructural.
  • Considérase imprescindible buscar a converxencia entre os distintos planes do centro: Proxecto de biblioteca, proxecto lector, proxecto lingüístico, TIC, etc.
  • Imprescindible dotar ás bibliotecas escolares dos recursos materiales e humanos necesarios para o desenvolvemento das funcións que se lles atribúe e se lles demanda.
Para máis información, podedes consultar a páxina deste congreso http://www.bibliotecasescolaresentransito.com/gl/default.asp
donde podedes escoitar  as ponencias dos especialistas invitados e ter acceso a todos os materiais.

miércoles, 2 de noviembre de 2011

Congreso Bibliotecas Escolares en Tránsito

Os días 10,11 e 12 de novembro de 2011 terá lugar en Santiago o Congreso Nacional de Bibliotecas Escolares co título  "Bibliotecas Escolares en Tránsito". A Asesoría de Bibliotecas Escolares pediunos participar cunha comunicación. Pois alá iremos. A ponencia leva por título "A nosa biblioteca, un centro de recursos para a lectura, a información e a aprendizaxe". Esta é a páxina deste congreso por se queredes saber máis detalles:

jueves, 20 de octubre de 2011

Recursos educativos


        
Aquí tedes unha páxina interesante onde podedes atopar recursos educativos para as distintas materias.

miércoles, 28 de septiembre de 2011

A biblioteca comeza a súa andaina

 Un ano máis, despois do período estival para cargar motores, a biblioteca retoma a súa actividade, este ano cun numeroso equipo: 19 persoas; o traballo feito por moitas mans toca a menos.
Seguiremos a traballar por proxectos documentais. O deste ano ten por título "Culturas do mundo". Xa conseguimos libros ben fermosos para desenvolver o tema. Así,  incrementamos os fondos da biblioteca tamén  dun xeito temático.
Como o tema é moi amplo, decidimos acotalo un pouco. Na ESO afondaremos na nosa cultura interdisciplinarmente. Co material elaborado e os obxectos que atopemos faremos unha exposición etnográfica.
As "culturas do mundo" será o eixo arredor do que xirará gran parte da actividade do centro.
E non esqueceremos a "Hora de ler", as "Mochilas viaxeiras" ou a "Xinkana cultural". Tamén estarán presentes na nosa programación as distintas celebracións ao longo do curso como o día internacional contra a violencia de xénero, o día internacional dos Dereitos Humanos, o día da paz, entroido, día do libro e día das Letras Galegas.
O cartaz deste ano, coa imaxe da ilustradora galega Emma Ríos,   faise eco da  bulideira actividade das bibliotecas escolares.

martes, 28 de junio de 2011

Premio emocional

Vimos de recibir un premio que sabe a sinceridade por parte de Bibliolhosgrandes. Nun final de curso especialmente desmotivador por quen tiña a obriga de alentar, apoiar, e recoñecer o esforzo dos seus docentes en vez de desprestixiar o ensino público do que son responsables, chéganos o apoio moral dun "cole" amigo que sabe de esforzo e de sacar adiante proxectos e iniciativas e os recoñece aos demais.
Grazas, xa que logo, e querémolo compartir ( pois é obriga de quen o recibe) cos seguintes blogues, por proximidade física e/ou emocional:

jueves, 23 de junio de 2011

Roteiro literario

A lectura do libro "El hombre que plantaba árboles", no Ano Internacional dos Bosques, propiciou unha viaxe ao Courel do noso club de lectura para establecer contacto directo cunha das xoias botánicas de Galicia: a Devesa da Rogueira. Foi unha xornada redonda que convertimos nun roteiro literario coa poesía de Novoneyra. Cada recuncho, cada cova, cada fonte...atopa a súa voz no bardo do Courel.
Visitamos a Estación Científica do Courel. Recibiunos o seu director: Javier Guitián, a quen agradecemos a súa amabilidade.
Tamén queremos agradecer a Ricardo Locay Aira, amigo do mediador do noso club de lectura, as facilidades para visitar a súa Ferrería, a Ferrería Locay.
Aquí tedes a crónica gráfica  e poética da viaxe.

sábado, 11 de junio de 2011

IV Xornada dos clubs de lectura

O venres, 10 de xuño,  celebrouse en Compostela a IV xornada dos clubs de lectura. É a primeira vez que participamos nestas xornadas porque tamén é a primeira vez que temos no centro un club de lectura oficial e subvencionado. A conferencia inaugural estivo a cargo da profesora da Universitat de Barcelona, Ana Díaz-Plaja que nos falou da boa literatura e da literatura basura. Tamén participou o escritor Fernando Marías, autor, entre outros libros, de "Cielo abajo" e o recente "El silencio se mueve".
Houbo asimesmo unha mesa de experiencias para dármonos unha idea do que se está a facer en Galicia en materia de lectura por pracer.
Foi un día para compartir, intercambiar experiencias, ideas e opinións. Viñemos co saco cheo de iniciativas que logo poremos en práctica.

domingo, 5 de junio de 2011

El hombre que plantaba árboles.

No club de lectura "Barallando libros" queremos celebrar o día mundial do medio ambiente compartindo con vós un libro que nos gustou especialmente: "El hombre que plantaba árboles". O día 21 iremos ao Courel para aprender máis cousas da natureza e dos bosques. Á volta, teredes información desta viaxe.
De momento, aquí tedes  esta presentación sobre ese marabilloso libro.

El hombre que plantaba árboles

No día mundial do medio ambiente, dende a nosa biblioteca recomendamos un precioso libro que desde que se publicou, aló polo ano 1953, foi motivo de inspiración para programas de reforestación por todo o mundo. Quedémonos con estas referencias do prólogo e do epílogo da última edición.

"Elzéard Bouffier jamás existió, pero lo estamos esperando antes de que sea demasiado tarde para el mundo" (José Saramago)

"El bosque puede sanar el cambio climático, el avance de los desiertos, la erosión, la escasez de agua y combustible así como la creciente fealdad del paisaje" (Joaquín Araujo)

miércoles, 1 de junio de 2011

A miña planta de laranxa lima

Estreamos hoxe esta sección de recomendacións cunha novela case autobiográfica de José Mauro de Vasconcelos que vimos de ler no club de lectura. O libro titúlase "A miña planta de laranxa lima". Recomendamos a versión en galego por estar máis próxima ao portugués, idioma no que foi escrito o libro. Na biblioteca tamén o temos en castelán.  É unha conmovedora historia de desamparo, de soidade, de renuncia, de amizade. Moi triste pero tan tenra que move a chorar. É un deses libros que hai que ler algún día, independentemente da idade que se teña. Propúxenllelo no club de lectura e déronme a entender que non lles ía ese tipo de cousas. Como insistín, aceptaron e agora tamén eles transmiten a mesma recomendación.

miércoles, 4 de mayo de 2011

Animación con Abrahán Carreiro

Hoxe, dentro dos actos conmemorativos do día do libro,  tivemos con nós ao debuxante e ilustrador Abrahán Carreiro. Aos nosos escolares gústalles moito este tipo de animación. Será pola facilidade coa que lle saen as cousas...Non precisa borrar nin chisco!

sábado, 23 de abril de 2011

Salva un libro, crea un bosque.

 
Este era o lema do traballo colectivo que pretendiamos para conmemorar o día do libro. Quen quixo fixo a súa aportación, e con todas elas creamos o noso particular bosque dos libros salvados. Grazas a tod@s pola vosa colaboración.

viernes, 15 de abril de 2011

Animación día do libro

Co gallo do día do libro, e como esta data cae en vacacións de semana santa, adiantámonos á súa celebración e convidamos a Antón Castro quen gustosamente acudiu á nosa chamada para compartir connosco o seu bo facer en materia de música, literatura oral e humor. Grazas, Antón, polo que nos ensinache e polo que rimos.

lunes, 11 de abril de 2011

Encontros PLAMBE 2011

O xoves e venres (7 e 8 de abril) tiveron lugar en Compostela os encontros dos centros adscritos ao Plan de mellora de bibliotecas escolares. Alá nos demos cita os responsables das 374 bibliotecas dese plan. O primeiro día foi para os centros de nova incorporación. 
Que dicirvos?... Pois que foi unha ocasión máis  (todas son poucas) para aprender, intercambiar experiencias, ver o que se fai noutros centros,  para, en definitiva, recargar baterías e poder continuar co compromiso asumido de converter a nosa biblioteca nun lugar agradable, útil e dinámico.
Quen teña interés nos materiais destes encontros pode velos AQUÍ nun espazo moodle habilitado pola Asesoría de Bibliotecas Escolares ao que se pode entrar como convidados.

martes, 29 de marzo de 2011

Día do libro

Este ano,  para celebrar o día do libro, imos facer un mural colectivo con este lema:
"SALVA UN LIBRO, CREA UN BOSQUE"
Imaxina calquera situación na que sexa preciso salvar un libro. Sabemos que é difícil escoller un só. Se queres participar nesta obra colectiva, colle unha plantilla na biblioteca e escribe nela o título do libro que salvarías e o porqué. Con todas as aportacións faremos un homenaxe aos bosques porque o 2011 é o ano internacional dos bosques.
Gracias pola vosa colaboración.

(O equipo de biblioteca)

Xogos PDI

Desde que traballamos os PDI (proxectos documentais integrados), levamos feitas moitas actividades. Algunhas delas, polo seu carácter lúdico, convén rescatalas e poñelas á disposición de quen as queira empregar. A continuación tedes as ligazóns a estas actividades en JCLIC:

lunes, 28 de marzo de 2011

As novas tecnoloxías

Dentro do proxecto documental integrado que traballamos  este ano presentámosvos unha actividade interactiva para achegármonos  a este mundo tan fascinante pero que é preciso coñecer. Trátase dun paquete de actividades en JCLIC sobre as novas tecnoloxías. Premede na imaxe ou na ligazón.(Entrar como convidados)

miércoles, 23 de marzo de 2011

Recursos electrónicos

Aquí tedes unha colección de recursos electrónicos seguindo as distintas seccións da CDU. Se picas na imaxe ou na ligazón, entras directamente no arquivo. Unha vez na páxina, elixe a materia que che interese. Boa viaxe!!
Agradecemos ao IES "Pedra da Aguia" e ao dinamizador da súa biblioteca, Emilio Roca,  o teren compartido entre a comunidade do PLAMBE un traballo que serviu de base para o noso.

lunes, 14 de febrero de 2011

Xincana cultural

O concurso deste ano chámase XINCANA CULTURAL. Haberá catro niveis. 
  • Trátase dun concurso no que haberá unhas probas sobre as distintas actividades que facemos no centro, por exemplo, día da paz, novas tecnoloxías, etc.
  • O concurso este ano terá carácter individual.
  • Se queres participar, resolve as  probas que colocaremos nos paneis dos diferentes espazos e entrega a solución na biblioteca.
  • Cada participante pódese incorporar ao concurso cando queira, aínda que cantas máis probas solucione máis posibilidades terá de optar ao premio.
  • Comezamos no mes de marzo.
  • Haberá premio para os/as gañadores/as de cada categoría.

domingo, 13 de febrero de 2011

Poesía e novas tecnoloxías

As novas tecnoloxías cada vez están máis presentes na literatura. Nós andivemos a buscar poemas que teñen as novas tecnoloxías como tema. Coas pesquisas elaboramos este dossier que quere humanizar, sensibilizar...estas ferramentas tan empregadas e que teñen unha lenda de frialdade e pouco agarimo.

viernes, 11 de febrero de 2011

Novas Tecnoloxías

"As novas tecnoloxías" é o tema que estamos a traballar este ano dentro dos proxectos documentais integrados. Entendemos que as novas tecnoloxías non son a panacea para solucionar os problemas que ten actualmente o ensino, pero constitúen unha ferramenta sen a que sería difícil entender a educación de hoxe.
Con elas, a través deste blog, queremos dar a coñecer o que facemos desde a biblioteca do noso colexio e, ao mesmo tempo, potenciar unha plataforma onde o noso alumnado dispoña dunha constante e actualizada fonte de información.

domingo, 30 de enero de 2011

Día da paz









Un ano máis temos que desexar a paz no mundo porque este dereito aínda non está acadado. Este curso fixémolo con poesía e debuxo; poesía porque é a linguaxe da alma e debuxo por ser a forma máis antiga de expresión

martes, 18 de enero de 2011

Bibliotecas escolares na Revista Galega de Educación

A Revista Galega de Educación, publicación de Nova Escola Galega vén de publicar no número 48 un monográfico sobre Bibliotecas Escolares coordinado polas asesoras de Bibliotecas,  Cristina Novoa e Pilar Sampedro. Nesta revista colaboran varios centros do PLAMBE,  entre eles o noso co artículo "Proxectos documentais integrados".
Esta publicación está ao voso dispor na biblioteca do centro e este número constitúe un documento de referencia para visualizar o panorama do que se está a facer no noso país nas Bibliotecas Escolares. Inclúe unha listaxe de recursos bibliográficos impresos e electrónicos.

sábado, 1 de enero de 2011

Homenaxe aos bosques

 

O ano 2011 é o ano internacional dos bosques. Desde Barallando saberes queremos aportar o noso granciño de area a esta celebración coa publicación deste calendario que vén sendo o noso homenaxe aos bosques. Está en formato PDF, listo para imprimir e encadernar.